=مهما نقول باهل الوفا نجد ان الكلام
=لايوفيهم ولوجزء من حقهم.
=ويقف اللسان عاجز عن التعبير؟؟؟
عسى السحاب اللي ركـود بممشـاه
اللي بدا مـن يمـة الغـرب ناشـي
جعله على نجـد العذيـه نثـر مـاه
وتروى الفياض اللي منول اعطاشي
احـب نجـد وكـل حيـا ومربـاه
في ودهـا ماقبـل كـلام ونقاشـي
احبهـا مـن قلـب والشـاهـد الله
ولالي ورى ماقلت كسـب ومعاشـي
وكل الوطـن غالـي وبالعمرنفـداه
امـا حمينـا الــدار والابـلاشـي
والمـوت حـق وكـل حـي بيلقـاه
ولافيه حي يابيض الوجـه عاشـي
لابـد مـن يـوم يـواري لمثـواه
تحت الثرى من بعد زين الفراشـي
اهل المناصب واهل الاموال والجـاه
تجـردوا منهـا بقطعـة اقمـاشـي
صالوا وجالوا وانتهـى العمروانهـاه
مفـرّق الخـلان والكـل مـاشـي
وياسعد منهـو جنـة الخلـد مـاواه
انا اشهـد انـه للمكاسيـب حاشـي
لله دره فـاز فـي حـب مــولاه
كسـب الثمينـه مانـزل للهشاشـي
القاف ينحاني على الصعب وانحـاه
بيني وبين القـاف فيـه اهتواشـي
وارجع وعيد القاف من حيث مبـداه
حتـى يعـود ويزدهـر بنتعـاشـي
من شان اقول اللي من اجله نظمنـاه
اللي من اجله هاض فكري وطاشـي
اللـي غمرنـي بالوفـا ماتنـسـاه
اقولها مـن قلـب مانـي مراشـي
اللي نصح وخلص عسى الرب يجزاه
ماانغش من عرض القلوب الغشاشي
وقفة شرف تبقى لشخصـه وطريـاه
مثـل القمرمايلتبسهـا الغطـاشـي
نفـس ابيـه مصعـد العـز ترقـاه
بالحـق تمشـي طبعهـا ماتخاشـي
يالله عسـى ماتنقـل العـوق يمنـاه
ولالف فيها من ابيض الخام شاشـي
يالله تجعل لـه مـن النـار منجـاه
يارب يامنـزل صـدوق الرشاشـي
ويالله تصبرنـا علـى نارفـرقـاه
وهذا الذي من مقبل الوقـت خاشـي
عيـسـى الـرشـودي الـعـوفـي
الأحد يناير 11, 2009 8:49 pm
